Sopranoja shqiptare Ermonela Jaho do të ngjitet në skenën e “Teatro Colón” me rolin kryesor të një prej operave më të famshme të Giuseppe Verdit.
Jaho do të interpretojë rolin e Violetta Valery, personazhit kryesor të operës “La Traviata” në një prej shtëpive më të mëdha operistike që ndodhet në Buenos Aires të Argjentinës.
Në faqen zyrtare të “Teatro Colón” janë publikuar datat e shfaqjes së operës, ku mësohet se Jaho do të ngjitet në skenën e shtëpisë operistike më 12, 15, 17 dhe 19 shtator.
“La Traviata” është një histori dashurie, ku bashkë me të vjen edhe sakrifica e keqkuptimet dhe konsiderohet si një prej operave më të njohura dhe vlerësohet për personazhet komplekse.
