Recep Tayyip Erdogan ka kritikuar Evropën, duke kërcënuar se “do të paguajë për atë që ka bërë kundër popullit turk”.
Jo vetëm kaq, por Erdogan iu referua Evropës si “njeri i sëmurë”, teksa mbajti një fjalim në Izmir.
“Një shekull më parë ata thanë se ishim njerëz të sëmurë. Tani ata janë të tillë. Evropa është duke u shembur”, tha Erdogan, teksa shtoi se turqit që jetojnë në Evropë po shtypen e po poshtërohen.
Presidenti turk la të kuptohet se vendi i tij do ta rivleresojë qëndrimin për t’iu bashkuar BE-së. Më 16 prill në Turqi do të mbahet referendumi, përmes së cilit, pritet t’i rritet pushteti presidentit të vendit.
