Në ekspozitën e titulluar “Lideri i Shekullit” paraqiten disa foto të presidentit turk Rexhep Tajip Erdogan, ku shfaqet si “shpëtimtar i botës”.
- Në të parën paraqitet Erdogan, duke përqafuar Bana Alabed, vajzën, e cila rrëfeu jetën e saj brenda Aleppo-s së shkatërruar, në Twitter. Imazhet e ndërtesave të shkatërruara nga bombat i rrethojnë dy personazhet.
- Ndërsa fotoja tjetër tregon presidentin Erdogan në formën e një fantazme, që qëndron mbi det, me krahët e tij drejtuar Aylan Kurdi-t, sirianit 3-vjeçar të vdekur në breg të detit, fotot e të cilit bënë xhiron e botës.
- Në pikturën e tretë, Erdogani është duke festuar me popullin turk në urën e Bosforit, pas rrëzimit të grushtit të shtetit të vitit të kaluar.
Erdogan njihet për replikat e tij me Amerikën, Perëndimin dhe Rusinë si dhe për mbështëtjen ndaj vendeve të Lindjes së mesme. Ai strehoi mbi 5 milionë sirianë për t’i shpëtuar nga lufta në vendet e tyre, dhe vazhdon të kundërshtojë politikat e ndjekura nga Amerika dhe Rusia për ndërhyrjet në Siri dhe në gjithë Lindjen e Mesme.
