Kapiteni i Zvicrës Granit Xhaka u pa duke “tharë” një shishe Coca-Cola të hënën në mbrëmje, disa minuta para se Zvicra e tij të largonte kampionët e botës, Francën nga Kampionati Evropian në një seri dramatike penalltishë.
Zviceranët mbrojtën me jetë dhe pas 120 minutash, ndeshja shkoi me penallti. Atëherë, çfarë bëri kapiteni Granit Xhaka? Piu një shishe Coca-Cola, pak çaste para se t’u mbante shokëve të tij një fjalim motivues pasi vetë nuk goditi penallti.
Episodi ndodh gjatë një turneu ku sponsorët janë bërë protagonistë pasi Kristiano Ronaldo largoi nga mikrofoni, ku po fliste në një konferencë shtypi, dy shishe Coca-cola dhe më pas kjo gjë u bë modë.
Pati dhe nga ata që bënë të kundërtën pikërisht si Xhaka.
