Epidemia e fruthit ka mbërritur edhe në Preshevë, ku numërohen 4 persona të prekur nga kjo sëmundje. Ndërkohë, sipas Institutit për Shërbim Publik në Vranjë, mësohet se në rrethin e Pçinjës momentalisht ka 54 persona të sëmurë nga fruthi.
Situata më e rëndë në këtë rreth është në Surdulicë, ku janë 40 të sëmurë, kryesisht persona që nuk janë vaksinuar. Epidemia është shpallur edhe në Bujanoc, ku janë 7 persona të sëmurë, në Vranjë janë 3 persona dhe në Preshevë 4 persona.
Epidemia e fruthit është shpallur në disa komuna në jug të Serbisë, e fundit është ajo në Pirot, ku fruthi është regjistruar në 2 persona ndërsa priten rezultatet e 5 personave të tjerë.
