Serie A- Inter vazhdon me ecurinë pozitive, ku sot ka mposhtur modestët e Benevento në rezultat 2-1. Ka mjaftuar një dopietë e ‘Epik Brozo’ që Inter të kthehet në shtëpi me tre pikë dhe të vazhdojë të ndjekë kryesuesit e Napoli dhe Juventus. Në të 19’ Candreva kroson në zonë ku është Brozovic që e dërgon topin në rrjetë, vetëm dy minuta më vonë kroati ekzekuton në mënyrë perfekte një goditje dënimi dhe e dyfishon rezultatin. Vendasit e benevento arrijnë të shkurtojnë diferencën por vetëm kaq. Ekipi i Spalletit zhvilloi një ndeshje mjaft pozitive dhe krijoi shumë raste për të shënuar por nuk u treguan të saktë para portës.
Lazio shkatetton Sasuolën 6-1, pas një pjese të parë të barabartë ku Berardi kalon në avantazh ekipin nga pika e bardhë e penalltisë dhe Lazio barazon me mesfushorin Alberto në sekondat e fundit. Pjesa e dytë një histori tjetër, Lazio gjen shumë shpejt avantazhin me De Vrij, për tu pasuar nga një gol tjetër i Alberto që e çojnë në 3-1. Më pas një shpërthim i Parolo i cili shënon një dygolësh, për ti dhënë fund serisë së golave netoi Immobile me një 11-metërsh ku nuk mund të gabonte dhe ndeshja mbyllet 6-1.
Fiorentina zhgënjen sërish duke u mposhtur nga Chievo 2-1, Violat kalojnë të parët në avantazh me Simeone por një dygolësh i Castro përmbys gjithçka dhe zhyt në krizë Fiorentinën, e cila e ka nisur mjaft dobët këtë kampionat. Verona surprizën Torinon e cila mendoi se e mbylli ndeshjen me atë rezultat 2-0. Por dy lojtarë me mjaft eksperiencë barazojnë gjithçka, ishte Cerci në të 89’ që ngushton diferencën ndërsa dy minuta më vonë është Pazzini që barazon gjithçka nga pika e bardhë dhe vulos rezultatin e ndeshjes. Duhet theksuar që Verona akoma nuk ka arritur të fitojë këtë sezon, ajo regjistron 3 barazime dhe 4 humbje. Spal-Crotone është ndarë në paqe 1-1, të dy ekipet janë mjaftuar me nga një pikë. /Tirana Today/
