Gjashtë persona janë lënduar gjatë orëve të para të ditës, si pasojë e një aksidenti të shënuar tek kthesa e Kamzës, ku mësohet se janë përplasur dy autobusë.
Në këtë aksident, fatmirësisht pa pasoja për jetën, janë përfshirë dy autobusë të linjës së Kamzës.
Burimet zyrtare, me anë të një njoftimi bëjnë me dije se personat e lënduar janë transportuar për në spital, për marrjen e ndihmës së duhur shëndetësore.
Informacion paraprak
Më datë 22.06.2018, rreth orës 08:10, tek kthesa e Kamzës janë përplasur dy autobuza të linjës “Tiranë – Kamëz”, me targë AA628 GC, me drejtues shtetasin K. A., 43 vjeç dhe me targë AA 958 LN, me drejtues shtetasin S. R., 40 vjeç.
Si pasojë e përplasjes janë dëmtuar lehtë dhe janë dërguar për ndihmë mjekësore në SQU shtetasit, A. P., 22 vjeçe, S. R., 43 vjeç, V. H., 23 vjeç, S. K., 53 vjeç, K. G., 19 vjeçe dhe E. L., 22 vjeçe ( të gjithë pasagjer në dy autobusat e linjës “Kamëz-Tiranë ).
Shërbimet e policisë dhe drejtuesit e autobusave ndodhen në vendngjarje, teksa po kryhen veprimet e mëtejshme hetimore për zbardhjen e shkakut dhe rrethanave të përplasjes.
