Katër nga 49 emigrantët që mbërritën në Shëngjin do të dërgohen në Itali mbrëmjen e sotme. Ky grup përfshin tre të mitur dhe një të rritur vulnerabël. Ata arritën në Shqipëri mëngjesin e ditës së sotme me anijen ushtarake italiane “Cassiopea”, dhe pas verifikimeve do të transferohen në kampin e Gjadrit.
Ky është grupi i tretë i emigrantëve të paligjshëm që mbërrin në Shqipëri pas një periudhe dy mujore pezullimi, për shkak të vendimeve nga gjykatat italiane që kishin urdhëruar kthimin e disa emigrantëve.
Vendimi i Gjykatës së Romës për të mos konfirmuar ndalimin e tyre çoi në kthimin e emigrantëve në Shqipëri, në kuadër të marrëveshjes Rama-Meloni, e cila u nënshkrua në nëntor 2023.
