Mbrëmjen e djeshme është mbyllur edicioni i 22-të festivalit “Netët e Klipit Shqiptar”, ku pjesëmarrës kanë qenë emrat më të njohur të muzikës shqiptare, si dhe gazetarë e moderatorë të ndryshëm, të cilët kanë dorëzuar çmimet përkatëse.
Çmimin më të rëndësishëm të festivalit ka arritur ta fitojë grupi i muzikës shqiptare “Elita 5″, me këngën “Natën e mirë”.
Festivali “Netët e Klipit Shqiptar” është një nga eventet më të rëndësishme të muzikës dhe videoklipit në hapësirën shqiptare, e cila prej 7 vitesh është zhvilluar në Ulqin, ndërsa këtë vit në Tiranë.
Gjatë mbrëmjes janë ndarë shumë çmime të ndryshme, të cilat përfshijnë dhe videoklipet më të mira të vitit, të ndara në kategori të ndryshme, si “Klipi më i mirë”, “Regjia më e mirë”, “Artistja/Artisti i Vitit”, si dhe çmime të tjera që përfshijnë kontributin e artistëe në artin shqiptar.
Çmimin e “Regjisë më të mirë”, e ka fituar Emiljo Leka e cila është dorëzuar nga regjisorja Inis Gjoni, ndërkohë reperi Stresi ka marrë trofeun e “Influencerit më të mirë”.
Ndërkohë, çmime të tjera si “Interpretuesja më e mirë në klip” është “rrëmbyer” nga Marsel Çibukaj, ndërsa artisja e re Luna Çausholli është kurorëzuar si “Debutuesja më e mirë”.
Këngëtarja Orgesa Zaimi ka marrë çmimin si “Klipin më të mirë urban”, ndërsa këngëtarja e muzikës popullore, Silva Gunbardhi me këngën “ Vëlla” ka marrë çmimin “Klipit më të mirë baladë”.
Ndër të tjera, “Romanca” nga Fullmoon Production shpallet “Produksioni më i mirë”, si dhe Mateus si “Interpretuesi më i mirë në klip”, ndërsa klipi më i mirë Rok me regji të Gjergj Kaçinari me videoklipin “Twisted”.
