Ditën e mërkurë, ekipi blaugranas dështoi për të bërë përmbysjen ndaj Juventusit. Barcelona humbi sfidën e parë 3-0 dhe nuk arriti të marrë më shumë se një 0-0 në “Camp Nou”.
Por rezultati 0-0 ka ndikuar më shumë se vetëm eliminim tek katalanasit, pasi Messi, Suarez dhe Neymar nuk u janë bindur urdhrave të trajnerit në stërvitjen e fundit, ditën e enjte.
Trajneri katalan, ditën e djeshme, la pushim të gjithë ekipin me shpresën se do të qetësohen. Akuza që trajneri ka marrë nga yjet e ekipit të tij, është fakti se ai nuk futi në lojë, ndaj Juventusit, lojtarët kyç që mund të bënin diçka.
Mendohet se në sfidën ndaj PSG-së, kur Barcelona bëri përmbysjen më të madhe të historisë, skema që u përdor nga Enrique ishte preferencë e Messit, i cili zgjodhi vet pozicionin e tij të ri.
Formacion ky, i cili kundra Juventusit nuk u përdor, por u zgjodh formacioni i përhershëm i Barcelonës. Acarimi i MSN me Enriquen vjen në momentin më të keq të sezonit, pasi nesër i pret Reali i Madridit në Bernabeo, për të diskutuar titullin kampion Spanje.
