Elbasani ka shtuar një emër të ri në skuadrën e tij gjatë merkatos së dimrit.
Klubi i Kategorisë Superiore ka zyrtarizuar ardhjen e mbrojtësit lituanez, Sigitas Olberkis, përmes postimeve në rrjetet sociale. Olberkis vjen nga kampionati i Lituanisë, ku së fundmi ka luajtur me skuadrën e Siauliai. Karriera e tij përfshin gjithashtu eksperienca me ekipet Senglea në Maltë dhe Dalkurd në Suedi.
Mbrojtësi 27-vjeçar pritet të debutojë me ekipin e ri më 11 janar, në sfidën e kampionatit kundër Teutës.
