Klienti ka fundosur furnizuesin e drogës. Rasti ka ndodhur në Elbasan, ku tashmë policia ka bërë të mundur arrestimin e dy personave, 24 dhe 27-vjeç. Shtetasit Marius Tabaku, gjatë kontrollit i është gjetur një dozë lëndë narkotike e llojit heroinë. Nga verifikimet rezultoi se e kishte blerë nga shtetasi Redi Zeneli. Policia ka gjetur në shtëpinë e këtij të fundit një sasi pluhuri e dyshuar si lëndë narkotike e llojit heroinë, një peshore elektronike dhe një sasi vlere monetare prej 12 000 lekësh, të cilat i ka siguruar nga aktiviteti i paligjshëm i shitjes së lëndës narkotike.
Njoftimi
Nga ana e Specialistëve të Seksionit për Hetimin e Narkotikëve dhe Trafiqeve, pranë Drejtorisë Vendore të Policisë Elbasan, u realizua dhe u dokumentua me prova ligjore operacioni policor për veprat penale, “Prodhimi dhe shitja e narkotikëve”, e parashikuar nga neni 283 i Kodit Penal dhe “Moskallëzimi i krimit”, parashikuar nga neni 300 i Kodit Penal, ku janë arrestuar në flagrancë shtetasit:
- Redi Zeneli, 24-vjeç, banues në Elbasan, i dënuar më parë për veprën penale të “Prodhimi dhe shitja e narkotikëve”
- Marius Tabaku, 27-vjeç, banues në qytetin Elbasan.
Në bazë të informacioneve të marra nga Specialistët e Hetimit të Narkotikëve, shtetasit Marius Tabaku, gjatë kontrollit i është gjetur një dozë lënde narkotike e llojit heroinë.
Nga verifikimet në rrugë operative, rezultoi se e kishte blerë nga shtetasi Redi Zeneli.
Nga kontrolli i ushtruar në banesën e shtetasit Redi Zeneli, në lagjen “Syrja Dylgjeri”, janë gjetur dhe sekuestruar në cilësinë e provës materiale një sasi pluhuri e dyshuar si lëndë narkotike e llojit heroinë, (gjithsej 26 doza), një peshore elektronike dhe një sasi vlere monetare prej 12 000 lekësh, të cilat i ka siguruar nga aktiviteti i paligjshëm i shitjes së lëndës narkotike.
