Pas triumfit me Izraelin në Shqipëri, kuqezinjtë u mposhtë nga Skocia në Glasgow dhe tashmë rikthehet në një miqësore përballë Jordanisë në “Elbasan Arena”. Por në këtë sfidë bie në sy interesi i pakët i tifozëve të cilët kanë shkuar në stadium për të mbështetur kombëtaren.
Ndërkohë nga të dhënat paraprake thuhet se numri i tifozëve në “Elbasan Arena” është gati 1000. Ky është rekordi më negativ i Kombëtares në një ndeshje në shtëpi. Asnjëherë tjetër nuk ka pasur një numër kaq të ulët tifozësh në një ndeshje të Shqipërisë.
Kjo ndeshje do të jetë një test i mirë përpara sfidës me Izraelin. Ndoshta numri i biletave do të vijë duke u rritur, por e rëndësishme është që skuadra te reagojë në mënyrën e duhur ditën e sotme.
