Real Madridi është rikthyer te fitorja në La Liga pas humbjes nga Real Sociedad. Një gol i shkëlqyer nga Dani Cebajos, ish-futbollisti i Betis, me një goditje dënimi në minutat e fundit, i dha suksesin skuadrës së Santiago Solarit duke e kthyer atë përsëri në katërshen më të mirë.
Tifozëve të Real Madrid ky ekzekutim padyshim që iu ka kujtuar Cristiano Ronaldon. Ishte ai eksperti i madrilenëve nga goditje dënimi deri në sezonin që lamë pas, para se të largohej drejt Juventusit. Madrilenët tani duhet të besojnë që Cebajos të zëvendësojë Ronaldon në këtë aspekt.
