Ekspozita ndërkombëtare “Van Gogh Alive” ka hapur dyert në Athinë. Vizitorët rrethohen me më shumë se 3 mijë imazhe të punës së artit të piktorit holandez Vincent Van Gogh, në dhoma të errëta e të mëdha.
Këto imazhe projektohen nëpër ekrane gjigante, mure, dysheme dhe kolona të ndryshme, të shoqëruara me muzikë.
Organizatorët janë shprehur se më anë të kësaj ekspozite duan të thyejnë barrierat e perceptimit tradicional të artit.
Organizatorët kanë thënë se duan të largojnë “idetë e paramenduara” kur vizitohen ekspozitat nëpër muze, ku duhet të shikosh vjedhurazi dhe në heshtje galeritë e artit, ndërsa kryeveprat gjithmonë vëzhgohen vetëm nga distanca.
Grafika multimediale si dhe rreth 40 projektorë të cilësisë së lartë kanë kontribuar për krijimin e kësaj ekspozite.
Yannis Moustakas, nga kompania ekspozuese greke “Lavris Ltd.”, ka thënë se ideja është që vizitorët të rrethohen nga arti dhe të shkëmbejnë mendimet dhe ndjenjat e Van Goghut, ose e thënë ndryshe “të hyjnë në kokën e tij”.
