Hapet ekspozita “Të ndjekësh ëndrrat”, me autor mjekun Luter Kreshpa, në Muzeun Historik Kombëtar në Tiranë.
Kjo ekspozitë është hapur në orën 11:00 dhe përmban një koleksion prej 93 pikturash, kryesisht natyra të qeta dhe peizazhe, por edhe disa portrete e skica të cilat do të vijnë për publikun.
Kjo ekspozitë vjen në 81-vjetorin e tij të lindjes, si një homazh i bukur që e bija, Brisejda i bën pas ndarjes nga jeta.
I dashuruar me të bukurën, Kreshpa ka ravijëzuar në tablo momente që të çlirojnë teksa i shikon dhe që reflektojnë qetësi.
Dhe pse piktura ishte më shumë një pasion në jetën e Kreshpës, në to vihet re një artist i angazhuar i cili ka një njohje të thellë me këtë lloj arti.
