Paraditen e djeshme u zhvillua Kampionati Kombëtar i Ping-Pongut për të rritur me pjesëmarrjen e tetë ekipeve.
Në vendin e parë dhe kampion Kombëtar doli ekipi i Studentit i drejtuar nga mjeshtri i merituar i sportit Jonuz Tufa.
Mësohet se llogaritjet dhe mjeshtëria e trajneri Tufa e drejtoj ekipin e Studentit drejt titullit kampion pas 10 vitesh që nuk e fitonin.
Pjesëmarrja e lojtarëve Andi Kola, Dorian Tapia dhe Joni Tufa në lartësinë e duhur dhe në një formë të shkëlqyer sportive e bën edhe më të leht fitoren e titullit për ekipin e Studentit.
Stafi i ekipit është shprehur për Tirana Today, se është një sukses i cili është arritur me shumë mund dhe me shumë sakrificë nga trajneri dhe sportistët i cili u shpërblye në mënyrën më të mirë.
Duhet theksuar që dhe ky ekip i cili është dhe ekipi kombëtar që do na përfaqësojë në kampionatin Botëror që zhvillohet në Dyseldorf të Gjermanisë pas 10 ditësh.
