SHKODER – Egnatia mund Vllazninë 0-2 në ‘Loro Boriçi’ dhe me 10 lojtarë.
Në minutën e 16-të rrogozhinasit mbetën me 10 lojtarë pas daljes me të kuq të Dragoshit.
Mbrojtësi i djathtë bëri një ndërhyrje të ashpër ndaj Spahiut dhe arbitri kryesore i nxoeri të kuqin.
Pjesa e parë ishte e qetë, teksa do të mbyllej 0-0 mes dy ekipeve. Fraksioni i dytë do të niste menjëherë me gol. Do të ishin miqtë me Isgandarlin që do të gjenin rrugën e rrjetës shkodranë në minutën e 48-të.
Në minutën e 89-të Stojanovic gabon në mesfushë, me Fernandes që përfiton dhe në fund asiston për Dëamenë, me kapitenin që çon topin në rrjetë për 2-0.
Egnatia merr kështu një tjetër fitore që e mban në vendin e parë në tabelën e klasifikimit. Pas 6 ndeshjes rrogozhinasit kanë grumbulluar 13 pikë, ndërsa Vllaznia mbetet në kuotën e 8 pikëve në vendin e 4-të.
