Të paktën 23 persona janë vrarë dhe 25 të tjerë janë plagosur nga një grup personash, të cilët sulmuan një autobus me pasagjerë të krishterë.
Ngjarja ndodhi në Egjipt, në qytetin e Minya, ku disa persona qëlluan me breshëri ndaj pasagjerëve.
Autoritetet egjiptiane dyshojnë se autorët janë pjesë e strukturave terroriste islamike.
Sipas medieve ndërkombëtare, sulmi ka ndodhur rreth 250 km larg kryeqytetit Kajro, ndërsa autobuzi po shkonte drejt manastirit “Shën Samuel”.
Kjo nuk është hera e parë që sulmohen të krishterë në Egjipt, ndërsa sulmi më i fundit ndodhi më 9 prill, ku si rezultat i shpërthimit të dy bombave humbën jetë dyzetë e gjashtë të krishterë.
