Lideri suprem i Vëllazërisë Myslimane në Egjipt, Mohamed Badie mori sërish sot masën dënim me vdekje për planifikim të sulmeve kundër shtetit, episodi i fundit i represionit të pamëshirshëm që shënjestron opozitën islamike.
Kreu i Vëllazërisë u gjykua sërish në shkallën e parë, pas anulimit të procesit të parë ku ndaj tij u mor vendimi për dënimin me vdekje për krijimin në 2013 të një qendre operacionale për përgatitjen e sulmeve kundër shtetit, shkruan “ATA”.
Pas shkarkimit nga ana e ushtrisë në 2013 të presidentit islamist Mohamed Morsi, pjesë e Vëllazërisë Myslimane, qindra nga mbështetësit e tij u dënuan me vdekje apo dënime të rënda me burg.
Në muajt e fundit, Gjykata e Kasacionit anuloi qindra dënime me vdekje, duke përfshirë disa vendime të shpallura ndaj Morsit, Badie dhe liderëve të tjerë të Vëllazërisë.
