Ëndrra e Edon Zhegrovës u bë realitet!
Shqiptari hapi një kapitutll të historisë së tij në futboll duke iu bashkuar Juventusit në Itali.
Ekipi francez të Lilë, sipas raportimeve pranoi 20 milion euro, për ta lënë të lirë pasi Zhegrova dëshironte kalimin zonja e vjetër dhe kishte arritur akordin për kushtet personale.
Në elitën e futbollit Italian, gjen edhe të tjerë shqiptarë!
Mes urimeve që mori për hap vendimtar në karrierë, ishte edhe ai i kryeministrit Edi Rama, i njohur si tifoz i zonjës së vjetër!
“Ec aty shqipe”, Shqiponja e egër për historinë bardhezi shkroi kreu i qeverisë nmë një postim në rrjetet sociale ku postoi këtë video-montazh të Zhegrovës me bluzën e Juventus dhe shqiponjën simbol të shqiptarëve në sfond.
Pak ditë më parë, Rama i dërgoi futbollistit të përfaqësueses së Kosovës pasaportën shqiptare, i cili me krenari e postoi në rrjetet sociale.
I lindur më 31 mars 1999 në Herford të Gjermanisë, ai u formua si lojtar në Kosovë e Belgjikë, përpara se të shpërthente në skenën ndërkombëtare me Genk dhe më pas me Basel. Në vitin 2022 u transferua te Lille në Ligue 1, ku u kthye shpejt në një nga lojtarët më kreativë të ekipit me golat dhe asistet e tij.Në arenën ndërkombëtare, Zhegrova ka zgjedhur të përfaqësojë Kosovën, me të cilën debutoi në vitin 2018, duke shënuar gol që në ndeshjen e parë kundër Madagaskarit. Prej asaj kohe është bërë pjesë e pandashme e skuadrës kombëtare, duke regjistruar mbi 40 paraqitje.
Performancat e mira në Francë dhe me Kombëtaren e kanë vendosur 25-vjeçarin në radarët e klubeve të mëdha.
