Kryeministri Edi Rama ka reaguar në rrjetet sociale lidhur me përmendjen e emrit të deputetes socialiste Klotilda Bushka në hetimet e SPAK. Në një postim në Facebook, Rama paralajmëron një dalje publike nesër në orën 09:00, ndërsa ndan deklaratën e Bushkës, e cila shprehet e habitur për përfshirjen e saj në këtë çështje.
Bushka thekson se nuk e mohon miqësinë me Ajola Xoxën dhe Erion Veliajn, por shpreh shqetësimin për faktin se emri i saj është përmendur në hetim pa u thirrur asnjëherë nga SPAK. Ajo thotë se gjatë muajve të fundit ka komunikuar me Xoxën për mbështetje, por mohon çdo përpjekje për të penguar drejtësinë.
Deputetja socialiste ka kërkuar të dëgjohet nga grupi parlamentar dhe shpreh indinjatë për mënyrën se si është përfshirë në këtë çështje.
https://www.facebook.com/share/185W5gwmTN/?mibextid=wwXIfr
