Pak orë më parë, një grua ka hedhur vajzën e saj nga ballkoni i katit të pestë në Athinë, duke u hedhur edhe vetë.
Banorët janë shprehur se nëna hodhi fillimisht foshnjën, kurse më pas mori një karrige dhe u vetëhodh.
Ngjarja e rëndë ndodhi këtë pasdite rreth orës 16:30, në Athinë.
Kyriaki Tsortanidou, 42 vjeçe dhe vajza e saj e vogël vetëm 4 vjeçe Fotini Spyridaki u transportuan nga ambulanca në spitalet Gennimata dhe Aglaia Kyriakou, por se atje gjetën vdekjen, shkruan gazeta greke “Zougla”.
Dyshohet se gruaja ishte e rënduar psikologjikisht. Ajo ishte e martuar dhe burri i saj ishte larguar nga banesa disa minuta përpara se të ndodhte ngjarja e kobshme.
Një banorë në katin e parë të pallatit, u shpreh se nëna dhe vajza ishin mbuluar me gjak dhe nuk kishin asnjë shans për të shpëtuar.
