Një ngjarje e rëndë ka ndodhur këtë të martë në Tiranë, ku raportohet se një 33-vjeçare është gjetur e pajetë nga bashkëshorti i saj në banesë. Ngjarja ka ndodhur sot në zonën e Kombinatit, në kryeqytet.
Sipas Policisë në trupin e saj nuk janë konstatuar shenja dhune dhe vdekja dyshohet se ka ardhur nga shkaqe natyrale. Grupi hetimor po punon për sqarimin e rrethanave të ngjarjes.
“Një grua e re është gjetur e vdekur nga bashkëshorti i saj në banesë. Ngjarja ka ndodhur në Tiranë,në Rrugën e Qelqit, në Kombinat, ku sipas policisë shtetasja Dh. J., 33 vjeçe, është gjetur nga bashkëshorti i saj, pa shenja jete në banesë.
Nga këqyrja paraprake nuk janë konstatuar shenja dhune dhe vdekja dyshohet se ka ardhur nga shkaqe natyrale. Grupi hetimor po punon për sqarimin e rrethanave të ngjarjes.”, thuhet në njoftimin e Policisë.
