Një ngjarje e pazakontë ndodhi në ndeshjen e Kupës Libertadores mes Independiente de Santa Fe dhe Santos, takim ky që përfundoi 0-0.
Folësi i stadiumit “Nemesio Camacho El Campin” bëri thirrje që të mbahej një minutë heshtje.
“Zonja dhe zotërinj, ju lutem, ngrihemi në këmbë për të mbajtur një minutë heshtje në nder të Ricardo Oliveira, lojtarit të Santosit. U prehsh në paqe!”, tha ai.
Por, në fakt vetë Oliveira, ish-lojtar i Milanit, ishte i pranishëm në fushë, ndërsa supozohej që minuta e heshtjes do të mbahej për Alexandre de Carvalho Kaneco, ish-futbollist i Santosit në vitet ’60, që ndërroi jetë në datën 18 prill.
Oliveira nuk e kuptoi atë që ndodhi, ndërsa pas ndeshjes u shpreh se nuk e kishte kuptuar një gjë të tillë.
“Sinqerisht, nuk e vura re. Do e shikoj më vonë videon”, tha lojtari për median, ndërsa nuk dihet nëse folësi e ka ngatërruar emrin qëllimisht apo jo.
https://youtu.be/cyYSbja9wPY
