Shpesh nënat e reja tregojnë një kujdes më të shtuar ndaj fëmijëve të tyre të vegjël, që të mos kalojnë farat e shalqiut. Kjo për shkak se ata edhe mund të mbyten, ose të krijojnë probleme me frymëmarrjen.
Por në të vërtetë do pendoheni nëse bërthamat i hidhni, pasi edhe ato kanë një efekt specifik në trupin tonë. Në të vërtetë, përmbajnë vlera ushqyese që përfshijnë acide yndyrore, proteina esenciale dhe shumë minerale. Farat e shalqiut janë të pasura me vitaminë B ashtu si thiamine, niacin dhe minerale si magnez, kalium, mangan, hekur, zink, fosfor dhe bakër.
Jo vetëm kaq, pasi farat e shalqiut përmbajnë fibra dietetike dhe janë thelbësore për funksionimin normal të traktit tonë të tretjes. Ato ndihmojnë në rast se vuani nga parazitët në zorrë, dhe mund t’ju ndihmojnë nëse vuani nga inflamacionet e ndryshme. Substanca citruline që gjendet tek farat e shalqinjve, vepron si një antioksidant, nxit zgjerimin e enëve të gjakut dhe ka një efekt pozitiv në rastin e arteriosklerozës dhe hipertensionit.
