Interi duket se po rikthehet në majat e Europës sidomos me nënshkrimin e Beppe Marotta si drejtor sportiv, i cili u largua nga Juve pas disa mosmarrëveshjesh me presidentin Agnelli. Zikaltëtit janë gati të sfidojë Juventus për yllin e Manchester United, Paul Pogba dhe mund të përfshijë Ivan Perisic për të arritur marrëveshjen.
Siç raportohet nga Tuttosport, trajneri i United Jose Mourinho është interesuar për Perisic dhe mbrojtësin e Inter Milan Skriniar dhe Marotta mund t’i përdorë si pjesë këmbimi për të mposhtur Zonjën e Vjetër.
Gazeta italiane ka zbuluar se negociatat mes dy klubeve nuk kanë nisur akoma por një transferim mund të bëhet i mundur nëse italianët nuk harrojnë Fair Play Financiar.
Skriniar gjithashtu ka tërhequr vëmendjen e shumë klubeve të Premier League dhe 23-vjeçari thuhet të jetë një lojtar që Mourinho e kërkon me çdo kusht.
Por edhe Perisic ka qenë në radarët e United gjatë dy viteve të fundit dhe nëse Inter nuk do të preferojë të sakrifikojë Skriniar, sulmuesi kroat mund të përdoret për të ulur çmimin e Pogba.
