Princi i Kurorës Saudite, Mohammed bin Salman i ka thënë Amerikës se e konsideron shkrimtarin e vrarë Jamal Khashoggi si një islamik të rrezikshëm.
Sipas BBC, bin Salman thuhet se e tha këtë gjë në një telefonatë me Shtëpinë e Bardhë pasi Khashoggi u zhduk. Ai e ka thënë përpara se Arabia Saudite të pranonte vrasjen e tij.
Khashoggi, një shtetas saudit që punonte për shtypin amerikan, ishte një kritik i njohur i sundimtarëve të vendit të tij. Trupi i tij ende nuk është gjetur. Por Turqia, SHBA dhe Arabia Saudite kanë pranuar se ai u vra në konsullatën saudite në Stamboll, më 2 tetor.
Arabia Saudite mohon se familja e saj mbretërore është përfshirë dhe thotë se është “e vendosur të zbulojë të vërtetën”.
Jared Kushner ka zhvilluar bisedë telefonike me dhëndrrin e presidentit amerikan, Donald Trump. Por ai gjithashtu ka biseduar edhe me Këshilltarin amerikan për Siguri Kombëare, John Bolton. Princi saudit ka thënë se Khashoggji ka qenë anëtar i organizatës islamike, Vllazëria Myslimane, ka raportuar Washington Post.
Arabia Saudite ka mohuar raportimet e Washington Postit dhe New York Times. Princi Salman po ashtu është raportuar t’iu ketë bërë thirrje autoriteteve amerikane për të ruajtur aleancën SHBA-Arabi Saudite.
