Ndalimi i shitjes së armëve, zbehja e lidhjeve diplomatike dhe tregtare, tërheqja e vizave apo ngrirja e marrëveshjeve të biznesit; këto janë vetëm disa nga masat që konsiderohen nga aleatët perëndimorë të Arabisë Saudite, përfshirë Shtetet e Bashkuara, pas zemërimit të shkaktuar për vrasjen e gazetarit Jamal Khashoggi.
Por, një vend që mungon në listën e kritikëve, është Rusia. Edhe pse akuzat po bëhen gjithnjë e më të ashpra rreth vrasjes së gazetarit, kritikat nga Kremlini nuk kanë ekzistuar.
“Pikë së pari, duhet të presim rezultatet e investigimit. Si mundet që ne, Rusia, të dëmtojmë marrëdhëniet tona me Arabinë Saudite pa e ditur se çfarë ndodhi në të vërtetë?”, arsyetoi Putin.
Edhe Arabia Saudite ka pranuar se vrasja e Khashoggit ishte e paramenduar. Moska vazhdon të minimizojë rëndësinë e vdekjes së Khashoggi.
“Ne kemi dëgjuar një deklaratë zyrtare nga Rijadi ku thuhet se përfaqësuesit e familjes mbretërore nuk ishin përfshirë në incident, e morëm parasysh këtë”, theksoi së fundmi Kremlini./ TIRANA TODAY
