E fundit/Një kroat në pankinën e Partizanit

Pak ditë më parë u aludua se drejtuesit e Partizanit ishin në bisedimi me një trajner kroat për sezonin e ardhshëm edhe pse ishin shprehur se do të konfirmohet Klevis Dalipi. Panorama Sport ka zbuluar edhe emrin e numrit një të ardhshëm të pankinës së “të kuqve” dhe ai do të quhet Mario Tokiç dhe është 42-vjeç.Mësohet se Tokiç do të jetë nesër në stadium për të ndjekur sfidën mes Partizanit dhe Skënderbeut. Në të kaluarën ai ka qenë trajner i Lokomotivës së Zagrebit që nga sezoni 2016 deri në janar të këtij viti, kur dhe u largua nga skuadra kroate.Si futbollist ai ka veshur fanellën e kombëtares kroate si dhe klubeve të njohura, Rijeka, Dinamo Zagreb, Austria e Vjenës, Rapid i Vjenës, Grazer AK dhe NK Zagreb.