Një përplasje me armë zjarri mes shqiptarëve dhe policisë greke, ka sjellë vdekjen e një shtetasi shqiptar.
Ngjarja ka ndodhur pasditen e sotme në rajonin e Janinës, ku policia greke kishte nisur kontrollet për një grup që trafikonte lëndë narkotike.
Mediat greke shkruajnë se grupi i është përgjigjur me zjarr policisë greke, ndërsa kjo e fundit është përgjigjur në të njëjtën mënyrë, duke vrarë njërin prej shqiptarëve.
Anëtarët e tjerë të grupit, që dyshohet se ishin 4 persona, janë në arrati. “Jemi ne ndjekje te 4 shqiptareve”, citohen burime të policisë helene nga mediat greke.
Mësohet se nga shkëmbimi i zjarrit një polic grek është plagosur lehtë në dorë. Nuk dihet ende identiteti i shqiptarit të vrarë dhe as detaje nëse policia ka arritur të sekuestrojë lëndë narkotike.
