Një aksident i rëndë ka ndodhur ditën e sotme në Lushnjë. Mësohet se një 55 vjeçar ka humbur jetën në zonën kodrinore të Dushkut në Lushnje.
Agron Bani 55 vjeç, ka qenë duke punuar tokën në ullishte dhe është zënë poshtë nga mjeti dhe si pasojë ka ndërruar jetë.
Grupi hetimor ka mbërritur në vendngjarje dhe po punon për zbardhjen e rrethanave.
Njoftimi i policisë
Në datë 27.04.2023, në fshatin Dushk Sektor, Lushnjë, shtetasi A. B., 55 vjeç, duke punuar tokën me mjet zetor, mjeti është përmbysur dhe e ka zënë poshtë shtetasin A. B., i cili për pasojë ka humbur jetën.
Grupi hetimor po punon për zbardhjen e rrethanave të ngjarjes.
