E ardhmja e Elseid Hysajt vazhdon të mbetet e paqartë. Edhe pse tashmë klauzola e tij e largimit ka skaduar, mbrojtësi i kombëtares shqiptare nuk e ka të sigurt qëndrimin tek Napoli në Serie A. Këtë e ka konfirmuar edhe agjenti i futbollistit, Mario Xhufredi, i cili në një prononcim për “Radio Kiss Kiss Napoli” ka sqaruar gjithçka rreth të ardhmes dhe klauzolës së klientit të tij.
“Klauzola e Elseid Hysajt ka skaduar, ka pasur një keqkuptim në këtë çështje. Komunikimi për ta paguar klauzolën e lojtarit duhet të bëhej brenda 30 qershorit, pastaj në dispozicion janë 5 ditë për të bërë pagesën. Tani fati i mbrojtësit është në dorë të presidentëve.
Pista e Chelsea mund të mbyllet me sukses, nëse trajneri Mauricio Sarri do të firmosë për klubin anglez”,–ka thënë Xhufredi.
Të shumta kanë qenë zërat për një kalim të Hysajt drejt Premier League, ku Chelsea do ta kërkojë me çdo kusht nëse me ta bashkohet Maurizio Sarri. Këto zëra bëhen më të forta tani që qëndrimi i tij tek Napoli është i pasigurt, edhe pse koha e klauzolës së tij ka skaduar.
