Malvina Xhido, 31 vjeçe, është arrestuar nga Policia e Durrësit pasi nga një kontroll në shtëpinë e saj, ka gjetur një armë zjarri pistoletë që e mbante pa leje. Kontrolli është ushtruar pas dyshimeve se kjo shtetase kishte vjedhur një shumë parash në shtëpinë e shoqes së saj.
Gjithashtu, u arrestua për moskallëzim krimi, shtetasi E. B., 35 vjeç, mik i shtetases Malvina Xhido, i cili u gjet në shtëpinë e 31 vjeçares gjatë kontrollit të Policisë, por nuk kishte kallëzuar që shtetasja Malvina Xhido mbante armë zjarri në banesë.
“Grupi hetimor, në drejtimin e Prokurorisë, vijon punën për zbardhjen e rrethanave të këtij rasti, si dhe të autorësisë së vjedhjes së shumës së parave në banesën e shoqes së 31-vjeçares. Materialet i kaluan Prokurorisë, për veprime të mëtejshme”, njofton Policia.
Njoftimi i plotë i Policisë së Durrësit:
Bazuar në inteligjencën informative, shërbimet e Policisë kanë ushtruar kontroll në banesën e shtetases Malvina Xhido, 31 vjeçe, banuese në Durrës, pasi dyshohej si autore e vjedhjes së shumës së parave, te banesa e shtetases S. Rr. (shoqe e e saj).
Gjatë kontrollit në banesë, shërbimet e Policisë gjetën dhe sekuestruan në cilësinë e provës materiale një armë zjarri pistoletë tip “Glock” dhe një sasi fishekësh.
Në përfundim të veprimeve procedurale, u bë arrestimi në flagrancë i shtetases M. Xh., për veprën penale të armëmbajtjes pa leje.
Gjithashtu, u arrestua për moskallëzim krimi, shtetasi E. B., 35 vjeç, mik i shtetases M. Xh., i cili u gjet në banesën e shtetases M. Xh., gjatë kontrollit të Policisë, por nuk kishte kallëzuar që shtetasja M. Xh. mbante armë zjarri në banesë.
Grupi hetimor, në drejtimin e Prokurorisë, vijon punën për zbardhjen e rrethanave të këtij rasti, si dhe të autorësisë së vjedhjes së shumës së parave në banesën e shoqes së 31-vjeçares. Materialet i kaluan Prokurorisë, për veprime të mëtejshme.
