Një mësues në Poliçan po hetohet nga Policia e Beratit pas dyshimeve se ka kërcënuar një nxënës të shkollës së mesme. Sipas raportimeve, mësuesi Ervis Shpata, 35 vjeç, akuzon nxënësin 18-vjeçar se e ka ofenduar në rrjetet sociale.
Policia bëri të ditur se nxënësi D. L. ka bërë kallëzim ndaj mësuesit, duke pretenduar se është kërcënuar nga ai. Çështja është referuar në Prokurori dhe ndaj mësuesit ka nisur procedimi për veprën penale të kanosjes. Hetimet po vazhdojnë për të sqaruar rrethanat e ngjarjes.
