Lajmet e para për transferimin e Arturo Vidal tek Interi kanë filluar në fundjavën që lamë pas. Gjithsesi, konfirmimi i parë që Bayern kishte dhënë dritën jeshile për operacionin e dha dje Gianluca Di Marzio e më pas të gjithë me radhë: Sky Sport, FcInterNews dhe sot gazetat më të mëdha italiane si Gazzetta dello Sport, Corriere dello Sport dhe Tuttosport.
Por pas konfirmimeve te ditës së sotme, ja ku vjen edhe një ‘konfirmim’ edhe nga dyqani zyrtar i Interit online, ‘InterStore’. Sipas asaj që tregon FcInterNews, Arturo Vidal mund ta ketë mbyllur totalisht transferimin tek Interi dhe tek zikaltërit do të mbajë numrin 23 mbi shpinë në eksperiencën e tij të re në Itali.
Ashtu si tregon media e njohur zikaltër, në dyqanin online të Interit, Joao Miranda është rikthyer të veshë fanellën me numër 25: disa ditë më parë vihej re se braziliani kishte zgjedhur për sezonin e ri numrin 23 në fanellën e tij, por sot, numri i bluzës pas shpinës së Mirandës është rikthyer të jetë përsëri 25.
Kujtojmë se numri 23 është shumë i shtrenjtë për Arturo Vidal dhe e ka mbajtur edhe në 3 vitet e tij në Itali. Ky ka qene postimi i Interit ndërkohe ku lajmëronte numrat e fanellave të lojtarëve të rinj si dhe ndryshimet e lojtarëve që ishin në skuadër:
Ndërkohe ky është numri që mund të zgjidhet tek dyqani zyrtar i klubit online nëse zgjidhet bluza e Mirandës:
