Franca eliminoi Argjentinën nga Botërori duke vazhduar ëndrrën drejt çerekfinales. Ishte pikërisht ylli i PSG-së, Kylian Mbappe heroi i këtij takimi, pasi fitoi një penallti dhe më pas shënoi dy gola në 4’ minuta.
19-vjeçari, Mbappe është bërë adoleshenti i parë që shënon më shumë se një gol në një ndeshje të Kupës së Botës pas legjendës braziliane Pele. Pas ndeshjes, francezi nuk përmbahej dot dhe buzëqeshja ishte stampuar në fytyrën e tij teksa ka thënë disa fjalë për gazetarët.
“Ishte një ndeshje fantastike. Luajtëm shumë mirë, kemi një ekip të madh me lojtarë të mëdhenj. Merituam fitoren. Adoleshenti i parë që shënon dy gola që pas Pele? Jam krenar për këtë arritje. Është ëndrra e çdo futbollisti të shkëlqejë në Kupën e Botës. Kritikat? Le të flasin. Unë përgjigjem në fushë”.
