Në Zvicër janë rritur një brez i artë futbollistësh nga Kosova, ku një pjesë e mirë e tyre kanë zgjedhur të përfaqësojnë helvetët dhe tashmë janë kthyer në yje botërorë. Por ka edhe elemente të rinj të cilët sapo kanë shpërthyer dhe janë pjesë e ekipeve zinxhir të Zvicrës, ndërsa së fundmi kanë vendosur të përfaqësojnë Kosovën.
Tek dardanët vazhdojnë prurjet e reja dhe shumë premtuese në prag të eliminatoreve të Europianit 2020. 2 elementë cilësorë pritet t’i bashkohen skuadrës së Bernard Shaland. Bëhet fjalë për mbrojtësin e Hadërsfilldit, Florent Hadërgjonaj dhe mesfushorin e Sionit, Bastin Toma.
Trajneri i dardanëve ka konfirmuar se të 2 futbollistët kanë pranuar të veshin fanellën e përfaqësueses së Kosovës. Si Toma ashtu dhe Hadërgjonaj janë aktivizuar më parë me kombëtaren e moshave të Zvicrës, teksa presin OK-in nga FIFA, për t’iu bashkuar Kosovës.
