E ardhmja e Gonzalo Higuain është larg Milanit, pasi këto mund të jenë orët e fundit të bomberit argjentinas në ‘Milanelo’. Ai është shumë pranë transferimit tek Chelsea dhe shumë shpejt pritet të finalizohet gjithçka.
Por çfarë humb Milan nga ky largim? Përgjigja është asgjë, vetëm fiton. Higuain ishte një dështim i madh te Milan, këtë e konfirmojnë shifrat që lenë për të dëshiruar.
I blerë në verë mes entuziazmit të tifozëve për të udhëhequr skuadrën drejt vendit të katërt dhe kualifikimit në Champions League, Higuain lë në baltë Milanin për të vazhduar karrierën e tij në Angli.
Shifrat e Higuain te Milan:
- Higuain i ka kushtuar Milan-it 17.5 milionë euro në 6 muaj
- Ka shënuar 8 gola në 22 ndeshje, ecuria më e keqe nga momenti i zbarkimit në Itali, në verën e 2013-ës.
- 6 gola në 15 ndeshje të kampionatit
- 2 gola në Europa League, kundër Olympiacos dhe Dudelange
- 3 ndeshje të humbura (plus aktivizimi i pjesshëm në Superkupë për shkak të temperaturës)
- 1 penallti e gabuar
- 1 karton i kuq
- Çdo gol i shënuar nga Higuain i ka kushtuar Milan-it 2.187.500 euro
- 795 mijë euro për çdo ndeshje të luajtur
- 9.403 për çdo minutë të kaluar në fushë
