Interi është pranë dy goditjeve të mëdha të cilat do ta forconin ekipin, duke plotësuar ekipin që dëshiron Spalletti. Bëhet fjalë për mbrojtësin kroat Vrsaljko, për të cilin është arritur një akord total me Atletico Madrid dhe Vidal i cili tashmë është shumë pranë zikaltërve. Të dy lojtarët pritet të vinë në huazim të thjeshtë por me një pagesë të lartë për huazimin.
Për teknikun italian Vrsaljko është zëvendësuesi ideal për portugezin Cancelo, i cili nuk u arrit të blihet nga zikaltërit. Ndërsa Vidal do të plotësojë mesfushën duke u rreshtuar krah Brozovic dhe Nainggolan. Një mesfushë me shumë muskuj e cila do të përpiqet të shkatërrojë aksione dhe ti kthejë në kundërsulme.
Sulmi do të jetë i përbërë nga Perisic-Icardi-Politano dhe si zëvendësues do të jetë Martinez dhe Candreva në rast se nuk vjen një tjetër sulmues krahu. Dilema në formacionin që do të luaj Interi këtë sezon është nëse do të luaj me 2 apo tre mbrojtës qendre. Pasi Skrinar dhe De Vrij kanë një konkurrencë të fortë nga Joao Miranda, i cili bëri një Botëror të shkëlqyer.
