Pavarësisht humbjes ndaj Izraelit, Panuccit i shtohet ‘dhimbja e kokës p sidën e 17 nëntorit ku do të presë Skocinë. Në atë ndeshje do të mungojnë dy liderë si Migjen Basha dhe Elseid Hysaj. Të dy futbollistët kanë plotësuar numrin e kartonëve dhe nuk und të luajnë në ndeshjen e ardhshme.
Megjithatë, në Ligën e Kombeve, Shqipëria ka arritur të fitojë dy futbollistë të rëndësishëm dhe këto dy fitore, kanë ardhur pikërisht në dy takimet ndaj Izraelit. Një muaj më parë, ishte Egzon Binaku ai i cili tregoi se mund të jetë një siguri në krahun e majtë të mbrojtjes, ndërsa mbrëmë në Ber Sheva, ishte radha e sulmit.
Myrto Uzuni debutoi nga minuta e parë në një takim zyrtar, duke luajtur për 90 minuta. I aktivizuar në vendin e Gavazajt, Uzuni bëri një paraqitje bindëse, duk dhënë idenë sikur kishte disa muaj që luante për Kombëtaren dhe jo vetëm 1 javë.
Llullaku, Hyka, Gavazaj apo edhe të tjerë që kanë provuar të luajnë në krah duke zënë vendin e Roshit, duket se nuk ia kanë dalë që të jenë titullarë, por vetëm zgjidhje të përkohshme. Tashmë, Uzuni është ai që duhet të japë 200% me Lokomotivën e Zagrebit, për të qenë sërish titullar ndaj Uellsit në miqësore dhe Skocisë në takimin zyrtar.
Shqipëria renditet në vendin e fundit në grup me vetëm tre pikë të grumbulluara dhe shanset për t’i siguruar kualifikimin janë pothuajse të pamundura. Shqipëria ka harruar të fitojë, madje nuk arrin ta bëjë këtë gjë as kur shkëlqen dhe dominon në lojë.
