Ushtria amerikane ka njoftuar se dy anije tregtare me flamur të këtij shteti kanë kaluar me sukses nëpër Ngushticën e Hormuzit.
Në një postim në X, thuhet se po vazhdojnë përpjekjet për të rivendosur tranzitin për anijet tregtare.
“Shkatërruesit me raketa të telekomanduara të Marinës Amerikane po operojnë aktualisht në Gjirin Arabik, pasi kanë kaluar tranzitin nëpër Ngushticën e Hormuzit në mbështetje të Projektit Liria. Forcat amerikane po ndihmojnë në mënyrë aktive përpjekjet për të rivendosur tranzitin për anijet tregtare. Si hap i parë, 2 anije tregtare me flamur amerikan kanë kaluar me sukses tranzitin nëpër Ngushticën e Hormuzit dhe janë nisur të sigurta në udhëtimin e tyre.”, thuhet në postimin në X të Komandës Qendrore Amerikane.
https://x.com/centcom/status/2051274596570050755?s=46
Lundrimi i suksesshëm i anijeve në ngushticë vjen një ditë pasi Presidenti Donald Trump është zotuar të udhëheqë anijet përmes rrugës ujore, ku Irani po përpiqet të kontrollojë anijet. /Klankosova.tv
