Mesditën e sotme, Durrësi është tronditur nga një vrasje e dyfishtë.
Në familjen Curri, në lagjen numër 7 të qytetit bregdetar, sipas raportimeve paraprake, Ersid Curri, 25 vjeç ka qëlluar me armë gjyshen e tij 80-vjeçare, Hurme Curri dhe, më pas, po me të njëjtën armë është vetëvrarë.
Policia ka mbërritur menjëherë në banesën nga janë raportuar të shtënat. Dera e banesës ishte e mbyllur me çelës nga brenda. Pas hapjes së saj, policia ka gjetur brenda dy trupat e pajetë dhe një armë zjarri automatike.
Është ende e paqartë nëse bëhet fjalë për ngjarje aksidentale, apo për një krim të dyfishtë të qëllimtë. Policia thotë se grupi hetimor po punon për zbardhjen e saj.
