Droni me flamurin e Shqipërisë së Madhe, që u ngrit gjatë ndeshjes së futbollit në stadiumin e Shkupit, ka tërbuar serbët.
Gazeta Kurir shkruan:
“Në një ndeshje futbolli në Maqedoni mes Shkupit dhe Vardarit që u zhvillua të dielën, siç raportuam edhe atë ditë u shfaq një dron, i cili mbante flamurin e Shqipërisë së Madhe”.
Por, veç kësaj, gazeta e quan një veprim të ulët ngritjen e këtij droni me flamurin shqiptar, ndërsa shton se synimi ishte ndërprerja e ndeshjes.
Kurir shkruan se flamuri ishte i njëjti që u shfaq edhe në ndeshjen e famshme mes Serbisë kundër Shqipërisë në Beograd.
Të shumta kanë qenë edhe reagimet në rrjetet sociale lidhur me këtë ngjarje, duke e cilësuar atë si provokimin e radhës.
