Dren Abazi dhe Zig Zag Orchestra kanë prezantuar albumin e tyre “Mes Yjesh” në Tiranë, me dy koncerte recitale të mbajtura përgjatë dy netëve me radhë.
Konkretisht, koncertet u mbajtën në sallën e Kishës Ortodokse me 28 dhe 29 dhjetor, ku salla u mbush plot e përplot, duke ngritur në sallë të gjithë publikun.
Natën e parë ishin të pranishëm dy kryebashkiakët, Erion Veliaj, kryetar i Bashkisë së Tiranës dhe Shpend Ahmeti, kryetar i Komunës së Prishtinës.
Dren Abazi ka treguar se ka pasur shumë kërkesa që të bëhet edhe një natë e tretë, por për shkak të angazhimeve kanë vendosur ta lënë për vitin e ardhshëm.
