Gjykata e Posaçme ka dënuar me 32 vite në total, katër anëtarët e grupit që drejtohej nga Jetmir Kastrati, nën akuzë për trafikim të narkotikëve në disa vende të Bashkimit Europian. Bëhet fjalë për trafikun ndërkombëtar të drogës, që arrinte deri në vendet Skandinave dhe më pas fitimet e aktivitetit transportoheshin me linja autobusësh drejt Shqipërisë, për tu pastruar në investime brenda vendit.
Gjithashtu Jetmir Kastrati është hetuar dhe dënuar më parë. Ndërsa ditën e sotme u dha verdikti për për Klajdi Dervishin, alias Klajdi Pelinku apo Bruno Pavoti, me 8 vite burgim, sikurse e njëjta masë edhe për Arteid Musallari, Eltion Dani dhe Nikolin Noku, alias Nikolin Martini apo Nike/Nik Martini.
