Gazetari Sokol Bregu, i ftuar në një studio televizive, ka komentuar dosjet e nxehta në SPAK për të cilat u shpreh se sa i përket Ilir Metës dhe Plarent Ndrecës ato ishin të paralajmëruara.
Teksa u ndal te arrestimi i Cyrbjes Bregu tha se më e rëndësishme se mbajtja e tij në burg është zbulimi i bashkëpunëtorëve të tij.
Sipas tij të gjithë personat nën hetim janë me akuza publike, ndërsa theksoi se krimi i organizuar është ai që tregon lidhjet e kriminelëve me politikën dhe gjyqtarët dhe se e ardhmja është vetëm shkatërrimi i këtyre lidhjeve.
“Kishte kohë që SPAK nuk po vepronte si duket po studionte dosjet. Historia e Metës ishte e paralajmëruar, por dosja këtë tetor duhet të shkonte ose në ngritje të padisë penale ose të lënies së të tij të lirë.
Do mbyllej se po kalonte 4 vjet dhe s’mund të priste dhe një vit tjetër, nëse do ishte shpallur data e zgjedhjeve pra ishte paralajmëruar një zhvillim mbi këtë dosje. Dhe ajo që ndodhi me Plarent Ndrecën ka ndodhur para se të ishte bërë deputete ka qenë dy tre herë në SPAK, kështu që ishin të paralajmëruara, dhe ato që kanë mbetur në çështjet publike se them dot se kush ka qenë.
Ka një ide se Meta ndodhi për të zhvendosur vëmendjen nga Çurbja por ja ku është pse nuk merret media me këtë. Mendoj se media e gjithë shkoi te Meta dhe jo te Çyrbja kjo është çështje e medias, por duke e parë në një koncept ndryshe ishte hera e parë që një deputet është arrestuar për lidhje me krimin.
Në rastin konkret nuk bëhet fjalë vetëm për historinë elektorale, kush mund të sigurojë ca vota më tepër, te Çyrbja sipas SPAK ka një arsye ndryshe se ai jo vetëm që ka pasur lidhje me grupet kriminale por dhe ka ndikuar që ato të përplasen mes tyre, është një personazh që do ndikojë gjatë, ndërsa Meta është politikë.”
Më tej Bregu u shpreh se krimi i organizuar do të thotë se nëse s’ka politikan nuk ka krim të organizuar, fjala krim i organizuar do të thotë lidhje e krimit me politikën dhe gjyqësorin.
Sipas tij Çyrbja e kishte bërë këtë lidhje duke menduar se nuk jam profil i një niveli të lartë dhe i kishte bërë komunikimet hapur fare.
“Çyrbja ka menduar se askush në 2019 se sky do shkatërrohej. Te Çyrbja të bie në sy duke qenë se e ka kryer 7 herë këtë vepër penale kujt ja mori këto dokumente sekrete dhe nëse ja mori ndonjë drejtuesi politik që është ende në detyrë kjo është shumë e rëndë. E ardhmja është shkatërrimi i lidhjeve mes krimit të organizuar dhe politikës.
Nëse nuk dalin 7 emrat e bashkëpunëtorëve nuk është bërë asgjë, sepse Çyrbja ka pasur 7 dokumentet sekrete që s’duhet ti kishte dhe kjo do verifikuar. Për mua më e rëndësishme se sa të mbash Çrbjan në burg është një bashkëpunim me të që ai të nxjerr emrat e bashkëpunëtorëve.”
