Kreu i Partisë Demokratike, Sali Berisha u shpreh i vendosur se nuk do të paraqitet në GJKKO, pasi sipas tij, akuzat e SPAK ndaj tij janë urdhëruar nga Edi Rama dhe kanë një prapavijë politike.
Gjatë intervistës për ‘News24’, Berisha tha se ky vendim anti-kushtetues i GJKKO-së në të ardhmen do të shkojë në Strasburg.
“Edi Ramës nuk ia jap Kushtetutën që është për tu zbatuar si nga PD dhe nga PS. Unë kam qenë kryeministër dhe unë të garantoj ty që fraza që kam dëgjuar mijëra herë, “unë zbatoj ligjin dhe kam respekt për ligjin”. Nuk shkel ligjin unë për të shkuar në SPAK. Ju jepni të drejtën të shkruajë Kushtetutën gjykatësi por kjo s’ka për të ndodhur kurrë. Gjykata ka kryer një krim kushtetues dhe gjykata do të dënohet për atë që ka bërë. Unë mund ta ndjek çështjen në Strasburg. Kjo është një gjykatëse që urdhërohet nga Rama. Jam besnik i Kushtetutës. Unë do të mbroj Kushtetutën”, tha Berisha.
