Procesi i ristrukturimit të administratës vendore ka prekur edhe Bashkinë e Divjakës. Sipas kryetarit të bashkisë, kanë dhënë dorëheqjen nënkryetari i institucionit si dhe tre drejtues të njësive administrative.
Dorëheqjet janë paraqitur në kuadër të procesit të analizës dhe riorganizimit të strukturave drejtuese, që po zhvillohet në disa bashki të vendit, pas thirrjes së kryeministrit Edi Rama për reflektim dhe ndryshim në administratën vendore.
Divjaka i bashkohet kështu një numri gjithnjë në rritje bashkish që po përjetojnë ndryshime në nivelet e larta të administratës lokale, në përpjekje për të rritur performancën dhe cilësinë e shërbimeve për qytetarët.
