Dopingu “përdhos” flamurin rus, atletët garojnë për hesapin e tyre

Rusia është përjashtuar nga Lojërat Olimpike Dimërore, por nëse atletët rus provojnë se janë të pastër, janë ftuar të marrin pjesë nën një flamur neutral. Rusia është përjashtuar nga Lojërat Olimpike Dimërore, në Piongçang, nga Komiteti Ndërkombëtar Olimpik, raporton BBC.Pas një hetimi për përdorim të dopingut në lojërat e 2014-s, të mbajtura në Soçi të Rusisë, presidenti i Komitetit, Tomas Bah e dha njoftimin këtë të martë në Lozanë. Bordi drejtues ka arritur në këtë vendim pasi lexoi rekomandimet e hetimit 17 mujor. Komiteti Olimpik i Rusisë është përjashtuar nga Lojërat Dimërore që do të mbahen në Korenë e Jugut, por atletët rus, të cilët e provojnë se janë të pastër nga ana e dopingut, janë ftuar që të marrin pjesë nën një flamur neutral.